Policia e Kosovës ka bërë të ditur se ka gjobitur një shofer me 300 euro dhe ka shqiptuar tri pikë negative pasi në autostradë nuk ka respektuar kufizimin e shpejtësisë.
Sipas njoftimit të Policisë, i njëjti ka drejtuar mjetin me shpejtësi 228 km/h në zonën, ku kufizimi i shpejtësisë është 120 km/h.
“Njësia për Kontroll të Autostradave në zonën ku kufizimi i shpejtësisë është 120 km/h ka identifikuar shoferin duke drejtuar mjetin me shpejtësi 228 km/h, i njëjti është gjobitur me 300 euro, tri pikë negative dhe tre muaj i është ndaluar drejtimi i mjetit me veprim motorik”, thuhet në njoftimin e Policisë.