Në Zym të Hasit sot u mbajt u edicioni i 52-të i manifestimit tradicional “Takimet e Gjeçovit”, kushtuar jetës dhe veprës së shkrimtarit të madh Shtjefën Gjeçovi.
Në këtë manifestim kulturor, kryetari Shaqir Totaj së bashku me deputetin Anton Çuni, zbuluan pllakën përkujtimore që kujton 110 vjetorin e ngritjes së flamurit tonë kombëtar në Zym, si dhe u shënua 100 vjetori i lindjes së artistes së madhe Katarina Josipi. Gjithashtu, u mboll një pemë në shenjë jetëgjatësie të vlerave tona kombëtare.
Përveç programit të pasur artistik, u shfaq edhe ekspozita e veshjeve tradicionale të Zymit, ushqimet tradicionale dhe u promovuan vepra letrare.
“Takimet e Gjeçovit” është një festë e rëndësishme për promovimin e trashëgimisë kulturore të Hasit dhe ndikimit pozitiv në zhvillimin e kulturës dhe letërsisë në rajon.
