Me një aktivitet të veçantë, në shtëpinë e kulturës “Reshat Çoçaj”, në Gjonaj, është organizuar nga SHKA “Malësori” për herë të parë “Darka e Lamës” në zonën e Hasit, me gatime tradicionale me të cilat dallohet në hapësirat mbarëshqiptare kjo zonë.
Kryetari i “Malësorit”, Haziz Hodaj, tha se ndjehemi të lumtur që për herë të parë po e organizojmë një ngjarje në të cilen kultivohet tradita dhe historia jonë e pasur.
I pranishëm në këtë aktivitet, ishte edhe kryetari i Prizrenit, Shaqir Totaj, i cili tha se ngjarje të tilla gjithmonë do të mbështetën ku kultivohet tradita jonë e lashtë.
Ndërkaq, antropologu Arsim Canolli, tha se Darka e Lamës, është një ngjarje që është shënuar që nga lashtësia, dhe është mirë që edhe në Has po bëhet revitalizimi i saj.
Pas një programi të pasur artistik me këngë e valle, pjesëmarrësit kanë shijuar gatimet famoze tradicionale të Hasit, ndërsa interesimi më i madhë ka qenë për flinë gjigante në gjatësi 2 metër e përgatitur nga gra të vyeshme hasjane./Tv Prizreni