Sahit Osmani
Gjykim personal mund të formulosh
mbi mua ose për ndonjë tjetër
armiqësi të thellë mund të sajosh
që ta mposhtësh me një gënjeshtër
Vlera e veprave qëndron në lartësitë
që rrezatojnë me urtësi dhe dashuri
atje ku fundrrina s’mund të ekzistojë
të dyzojë veten me role mashtrimi
Të pabesueshme të duken luhatjet
nga pesha e realitetit njerëzor
s’e intrigat ,trillimet dhe shpifjet
përballë së vërtetës shkërmoqen
Aty ku ruhet dashuria dëbohet mëria!