Pavarësia e gjyqësorit, lufta kundër korrupsionit si dhe mbrojtja e dëshmitarëve, janë fushatë që duhet punuar më shumë.
Kështu ka këshilluar Raportuesja e Parlamentit Evropian për Kosovën, Ulrike Lunaçek, që megjithë procesin e arritur në fushën e drejtësisë, sipas saj, duhet të reflektohet në të gjitha proceset.
Ndërsa, ministri Kuçi ka thënë se ndihma e misionit të BE-se është e nevojshme në formë të asistencës këshillëdhënëse për ngritjen e kapaciteteve në disa fusha specifike.
“Proceset e integrimeve evropianeduhet të intensifikohen dhe se Kosova është e gatshme t’i përmbush të gjitha obligimet”, ka thënë ai, transmeton Kosovapress.
Kurse, Eurodeputetja Lunaçek tha se kanë vërejtur progresin e shënuar në fushën e drejtësisë, gjë, që, sipas saj, duhet të reflektohet në të gjitha proceset.
“Megjithatë, ka disa fusha ku ende ka punë për të bërë në fushën e drejtësisë, përkatësisht në pavarësinë e gjyqësorit dhe luftën kundër korrupsionit, si dhe mbrojtjen e dëshmitareve”, ka thënë ajo.
Ajo theksoi nevojën e bashkëpunimit ndërinstitucional, por edhe nevojën që EULEX-i dhe misionet e tjera të veprojnë në partneritet me institucionet e Kosovës.