Edhe sot në Bruksel grupet punuese në kuadër të dialogut me Serbinë do të diskutojnë për çështjet energjetike. Kosovën e përfaqëson zëvendëskryeministrja e Republikës së Kosovës, Edita Tahiri e shoqëruar nga drejtori i KOSTT-it, Naim Bejtullahu.Temë qendrore e takimeve do të jetë çështja e përshpejtimit të procesit të implementimit të Marrëveshjes së Brukselit për energjinë, të arritur më 8 shtator 2014.
Në këtë kuadër do të diskutohen çështjet që kanë të bëjnë me rrumbullakimin e Planit Aksional si dokument që përmban udhërrëfyesin e veprimeve dhe afateve për zbatimin e marrëveshjes në fjalë.
Deri më tani palët nuk kanë arritur përafrim qëndrimesh rreth kontrollit të nënstacionit në Vallaq si dhe operatorit privat që do të furnizoj me energji veriun e Kosovës.