Suhareka përkujtoi sot ish-kryetarin Ukë Bytyçi dhe dy shoqëruesit e tij, Bafti Bajramin dhe Bajram Bytyqin, në 22-vjetorin e vrasjes së tyre pas fitores së LDK-së në zgjedhjet lokale.
Në Akademinë përkujtimore në Shtëpinë e Kulturës “Ukë Bytyçi,” kryetari aktual, Bali Muharremaj, foli për figurën e Ukë Bytyçit.
“Uka na ka frymëzuar gjithnjë të punojmë për shtetin dhe për brezat e ardhshëm.”
Në emër të LDK-së, veprimtarinë e Ukës e vlerësoi kryetari i degës në Suharekë, Ardian Shala, ndërsa familjarët falënderuan të pranishmit për pjesëmarrjen.
Në këtë ceremoni u nda edhe çmimi “Ukë Bytyçi” për udhëheqje dhe përkushtim, të cilin këtë vit e mori ish-kryetari i Suharekës, Sali Asllanaj.
Në përmbyllje, delegacione të ndryshme vendosën kurora lulesh te shtatorja e Ukës dhe varret e tre të ndjerëve.
Marketing
Përjetoni pushime të paharruar dhe dasma magjike në Hotel “Albes Residence”
