Investimet për përmirësimin e hapësirave sportive në Komunën e Rahovecit po vazhdojnë.
Mbrëmë në hapësirën e ShMFU “Heronjët e Kosovës”, shkollë e cila gjindet në fshatin Hoçë e Vogël në Komunën e Rahovecit, është bërë përurimi i terreneve të reja sportive të cilat shërbejnë për futboll, basketboll, volejboll, hapësira të cilat do t’u shërbejnë të rinjve, nxënësve dhe të gjithë banorëve të kësaj ane, që të zhvillojnë aktivitete sportive e rekreative.
Komuna e Rahovecit ka bërë te ditur, se me investimin për ndërtimin e terreneve të reja sportive, ata kanë për qëllim që ta gjallërojnë jetën sportive në këtë qytet, duke e promovuar kështu një jetë sa më të shëndetshme si dhe angazhimin e të rinjve me aktivitete fizike.
