Kryetari i Komunës së Prizrenit, Shaqir Totaj, priti sot kampionin e ri evropian në versionin EBU për peshat e rënda, prizrenasin Labinot Xhoxhaj, pas triumfit të tij të madh në boks.
Xhoxhaj fitoi titullin më 22 nëntor 2024 në Heidelberg të Gjermanisë, duke mposhtur boksierin ukrainas Olexander Zakozhyi në një ndeshje të jashtëzakonshme, përcjell PrizrenPress.
“Ky sukses i Labinot Xhoxhajt është një arritje historike për sportin e boksit në Kosovë që do të shërbejë edhe si frymëzim për sportistët e brezave të rinj”, tha kryetari Totaj.
Labinoti ishte i shoqëruar nga trajneri dhe menaxheri i tij, Toklir Xhoxhaj, duke u vlerësuar si shembull i punës së palodhshme dhe besimit që çojnë në rezultate të shkëlqyera./PrizrenPress.com/
Përjetoni pushime të paharruar dhe dasma magjike në Hotel “Albes Residence”
