Policia e Kosovës ka njoftuar se në vazhdën e hetimeve të një rasti të datës 4 dhjetor 2024, ku ishte arrestuar një i dyshuar 22-vjeçar në Prizren, janë zbuluar edhe dy mjete të tjera të dyshuara shpërthyese.
“Në vazhdën e hetimit të një rasti të datës 04.12.2024, në të cilin rast ishte arrestuar i dyshuari mashkull kosovar i moshës 22 vjeçar, të cilit në një lokal në qytetin e Prizrenit, në xhepin e xhaketës së tij i është gjetur një mjet i dyshuar, Sektori i Hetimeve Rajonale në Prizren me datën 05.12.2024 ka arritur tek informacioni se i dyshuari është në posedim edhe të disa mjeteve të dyshuara të tjera”, thuhet në njoftim, përcjell PrizrenPress.
Si rezultat i veprimeve hetimore dhe operative, janë gjetur edhe dy mjete të tjera shpërthyese (granata dore), të cilat janë tërhequr në mënyrë të kontrolluar nga njësiti përkatës i Policisë së Kosovës.
I dyshuari vazhdon të qëndrojë në mbajtje, ndërsa hetimet për rastin janë në vijim./PrizrenPress.com/
