8 C
Prizren
E enjte, 19 Dhjetor, 2024

Kastrati raporton për projektet kryesore në takimin me qytetarët

Kryetari i Komunës së Malishevës, Ekrem Kastrati, ka mbajtur sot takimin e dytë publik për vitin 2024, ku prezantoi projektet e realizuara dhe ato në proces.

“Fokusi ynë ka qenë përmirësimi i infrastrukturës, përfshirë ndërtimin e rrugëve, trotuareve dhe shesheve, si dhe lirimi i hapësirave publike, proces që po realizohet me sukses”, tha Kastrati, përcjell PrizrenPress.

Ai njoftoi për marrëveshjen me KEDS për investime në rrjetin energjetik. “Për nënstacionin elektrik, kemi përmbushur të gjitha obligimet dhe tani çështja është në duart e KOSTT-it”, shtoi kryetari.

Duke folur për furnizimin me ujë, Kastrati theksoi: “Përkundër angazhimeve tona për furnizimin nga Radoniqi, nuk kemi marrë mbështetje nga qeveria dhe nuk është lejuar marrja e kredisë për realizimin e këtij projekti”.

Kryetari raportoi edhe për përparimet në shëndetësi dhe bujqësi, përfshirë subvencione për fermerët. Ai vuri në pah projektin për rregullimin e shtratit të lumit Mirusha, financuar nga një grant.

“Angazhimi dhe transparenca e administratës komunale kanë mundësuar realizimin e këtyre projekteve”, tha Kastrati, duke falënderuar qytetarët për mbështetjen e tyre.

Takimi përfundoi me pyetje nga qytetarët, të cilave iu përgjigjën kryetari dhe drejtorët komunalë./PrizrenPress.com/

Përjetoni pushime të paharruar dhe dasma magjike në Hotel “Albes Residence”

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

Më Shumë

Bashkimi, kampion vjeshtor i Kosovës në basketboll për femra

KBF Bashkimi ka përfunduar me sukses të madh stinorin vjeshtor, duke fituar ndeshjen e fundit ndaj Trepçës dhe duke u shpallur kampion vjeshtor i...

Shpërndahen mekanizma bujqësorë për fermerët e Prizrenit në kuadër të projektit të bashkëfinancimit

Komuna e Prizrenit, përmes Drejtorisë së Bujqësisë dhe Zhvillimit Rural, ka përmbyllur sot projektin “Furnizimi me mekanizëm bujqësor – me bashkëfinancim”, duke shpërndarë mekanizma...

Lajmet e Fundit