Klan Kosova, ka arritur të mësojë detaje të reja lidhur me ngjarjen në fjalë.
Kreu i Partisë Demokratike Turke të Kosovës (KDTP), bashkë edhe me dy familjarët e tij Fuat dhe Okay Damka, i kanë sulmuar dy persona, Arda Malokun dhe Muharrem Jablen.
Arda Maloku, e cila ka qenë kandidate për deputete në zgjedhjet e 9 shkurtit, nga radhët e Partisë Turke e Lëvizjes Novatore, ka deklaruar në polici se derisa ishte në parkun në rrugën “Hafis Ismailhaki”, në afërsi të shkollës së mesme të ulët “Motrat Qiriazi” ku ishte pikëvotimi për zgjedhjet parlamentare, aty i dyshuari Fikrim Damka, kryesues i partisë turke “Kosova Demokratik Turk Partisi”, po ashtu edhe ministër i Zhvillimit Rajonal në Qeverinë e Kosovës, e kishte kapur nga supet viktimën dhe e kishte kërcënuar me fjalët:
“Kam me ju vra, kam me ju djegë, çfarë kërkoni këtu”.
Po ashtu edhe Fuat Damka dhe Oktay Damka, i kanë kanosur viktimat e lartcekur.
Arda Maloku dhe Muharrem Jable, janë intervistuar nga policia.
E po ashtu edhe tre të dyshuarit, në prezencën e avokatëve mbrojtës janë intervistuar dhe është njoftuar prokurori kujdestar.
Me këtë rast, me vendim të prokurorit, Fikrim Damka dhe Fuad Damkam janë ndaluar për 48 orë, derisa Oktay Damka është liruar në procedurë të rregullt.
Po ashtu organet e rendit i kanë intervistuar edhe disa dëshmitarë që mund të kenë informacione lidhur me rastin./ Klankosova.tv
