Dy persona janë arestuar dhe dërguar në mbajtje në Prizren nën dyshimin se kishin kanosur dy viktima dhe kanë shtënë me armë zjarri.
Sipas raportit 24 orësh të Policisë, rasti ka ndodhur më 15 mars në rrugën “Brigafa 126” dhe u iniciua si “Kanosje”, “Armëmbajtje pa leje” dhe “Përdorim i armës”, raporton “Betimi për Drejtësi“.
“Me 18.03.2025 janë identifikuar dhe arrestuar dy të dyshuarit meshkuj kosovarë nën dyshimin se të njëjtit kanë kanosur dy viktimat meshkuj kosovarë si dhe dyshohet se kanë shtënë me armë zjarri. Gjatë kontrollit në shtëpinë e njërit nga të dyshuarit janë gjetur dhe konfiskuar: dy pistoleta (dyshohet të jenë me gas) dhe një granatë dore që është tërhequr nga njësiti i EOD-së”, thuhet në njoftim.
Bëhet e ditur se me vendim të prokurorit dy të dyshuarit janë dërguar në mbajtje.
