Java e 28-të e ProCredit Superligës në basketboll – dhe njëkohësisht e fundit për fazën e rregullt – nis këtë fundjavë me një përballje të zjarrtë rajonale.
Sot në palestrën “Sezai Surroi” në Prizren, do të zhvillohet Derbi i Anadrinisë ndërmjet Proton Cable Prizrenit dhe Golden Eagle Yllit, me fillim nga ora 17:00, raporton PrizrenPress.
Prizrenasit ndodhen në vendin e fundit të renditjes me pesë fitore dhe 22 humbje, ndërsa therandasit kanë një bilanc prej 14 fitoreve dhe 13 humbjesh – po aq sa edhe skuadra e Pejës.
Kjo e bën ndeshjen vendimtare për Golden Eagle Yllin, që kërkon një pozicion më të favorshëm në “play-off”./PrizrenPress.com
