18.6 C
Prizren
E mërkurë, 2 Korrik, 2025

Rahoveci fiton ndeshjen në tavolinë

Dueli i së premtes së kaluar, ku u takuan dy skuadrat tashmë që kanë rënë nga Liga e Parë dhe stinorin tjetër do të jenë pjesë e Ligës së Dytë të Kosovës në futboll, Mitrovica dhe Rahoveci kishte përfunduar me fitoren e vendasve, 2-1.

Por, sot gjërat kanë ndërruar. Si duket FC Mitrovica nuk ka respektuar aktet normative të FFK-së dhe ka futur në lojë futbollistin që nuk ka pasur të drejtë loje atë ditë dhe pas ankesës së vreshtarëve, KG ka miratuar ankesën e tyre duke konstatuar shkelje, me ç‘rast, Rahovecit i është dhënë fitorja parforfe, 0-3!

Kështu, në Vendimin e KG-së që është botuar në faqen zyrtare të FFK-së, shkruan:

“Regjistrohen ndeshjet e zhvilluara të xhiros së 34-t të Albi Mall Superligës dhe xhiros së 26-të të Raiffeisen Ligës së Parë Grupi A dhe B në futboll për edicionin 2024/2025 me rezultatet e arritura në fushë, përveq ndeshjes Mitrovica-Rahoveci, e cila regjistrohet me rezutatin zyrtar 0:3 në të mirë të Rahovecit.”

Gjithashtu, është inicuar procedurë disiplinore për ekipin mitrovicas, që këtë stinor debutoi në Ligë të Parë, por nuk arriti të mbijetojë aty:

“Ndaj: KF “Mitrovica“ dhe lojtarit Alban Kelmendi nr fanele 17 si dhe ID: 004171M03, Motivi: Mosrespektimi i akteve normative të FFK-së.”

Më Shumë

Kuklibegu ndriçohet

Fshati Kuklibeg është bërë me ndriçim publik, si rezultat i përfundimit të një tjetër projekti nga Komuna e Dragashit. Lajmin e ka bërë të ditur...

Goditje ndaj kriminalitetit në Prizren/ Prokuroria ngre aktakuza dhe kërkon paraburgime për disa të dyshuar

Prokuroria Themelore në Prizren, përmes Departamentit të Përgjithshëm, ka ndërmarrë një sërë veprimesh ligjore në kuadër të hetimeve dhe ndjekjeve penale të iniciuara gjatë...

Lajmet e Fundit