Klubi futbollistik Prizreni ka zyrtarizuar rinovimin e kontratës me qendërmbrojtësin shtatlartë dhe të pathyeshëm, Argjend Qela.
Klubi e cilëson këtë lëvizje si vazhdimësi të një bashkëpunimi të suksesshëm, duke theksuar rolin e rëndësishëm që lojtari ka pasur në prapavijë, por edhe në fazën sulmuese.
“Jemi krenarë të njoftojmë se Argjend Qela ka rinovuar kontratën me FC Prizrenin”, thuhet në njoftimin e klubit, raporton PrizrenPress.”Një lojtar që nuk njeh kompromis në duele, lider i heshtur në fushë dhe shpesh vendimtar edhe në zonën kundërshtare – Argjendi ka ditur të shënojë gola që i kanë dhënë ekipit fitore të mëdha”.
Rinovimi i Qelës, sipas klubit, është dëshmi e besimit në cilësinë e futbollistëve që kanë dhënë gjithçka për fanellën verdhezi dhe pjesë e vazhdimësisë së projektit të klubit.
“Argjend Qela mbetet pjesë e familjes. Vazhdojmë së bashku drejt majave!”, përfundon njoftimi i FC Prizrenit./PrizrenPress.com
Marketing
