KF Rahoveci ka vazhduar përgatitjet për sezonin 2025/26 me një seri përforcimesh të rëndësishme, duke zyrtarizuar sot transferimet e tre lojtarëve të rinj që do të jenë pjesë e ekipit bardhekaltër.
Mesfushori Endrit Binakaj vjen nga FC Dardania dhe pritet të sjellë freski dhe stabilitet në repartin qendror të skuadrës. “Binakaj, i njohur për lojën e tij dinamike dhe shpirtin luftarak në mesfushë, pritet të sjellë stabilitet dhe kreativitet në repartin qendror të ekipit”, thekson klubi, raporton PrizrenPress.
Në fazën sulmuese, Rahoveci ka zyrtarizuar ardhjen e sulmuesit Bledar Morina, gjithashtu nga FC Dardania. Sipas njoftimit, “Bledari vjen nga FC Dardania dhe luan në pozitën e qendërsulmuesit, ku është shquar për instinktin e tij për gol dhe prezencën në zonë”. Me këtë përforcim, klubi synon “të shtojë forcën në fazën ofensive dhe të jetë më konkurrues në ndeshjet e ardhshme”.
Në repartin defensiv, KF Rahoveci ka përforcuar krahun me mbrojtësin energjik Endrit Bytyqi, i transferuar nga FC Fushë Kosova. Sipas njoftimit, “Bytyqi është një lojtar energjik dhe i përkushtuar, i njohur për shpërthimet në krah dhe kontributin në mbrojtje e sulm dhe pritet të sjellë stabilitet dhe forcë në repartin defensiv të ekipit rahovecas”.
Hapësira me qira në objektet e reja te ‘RENELUAL TAHIRI’ në Prizren
Klubi i uron mirëseardhje këtyre tre lojtarëve dhe shpreh besimin se ata do të jenë shtylla kryesore në synimet e ekipit për sezonin e ri./PrizrenPress.com
Marketing
Banesat më të kërkuara në Prizren – Bëhu pronar në Foleja Residence!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren