Komunikimi dhe reagimi i shpejtë në raste emergjente është sfida kryesore e institucioneve të cilat përfshihen në emergjenca. Me qëllim të njohjes me dokumentet dhe strategjitë për veprim si një trup sot në Prizren është mbajtur seminari njëditor me akterët kryesor të veprimit në rastet e emergjencave në Rajonin e Prizrenit.
Ismet Ibishi, zëvendësministër në Ministrin u Punëve të Brendshme, e ka vlerësuar të rëndësishëm këtë takim i cili synon profesionalizimin e të gjithë akterëve për veprim sa më të shpejtë në rastet e kërkuara emergjente.
“Policia e para reagon në 99 për qind të rasteve emergjente”, tha drejtori i Drejtorisë së Policisë, Nexhmi Krasniqi.Sipas tij, jo gjithherë edhe aktorët tjerë të nevojshëm në këto raste veprojnë në kohë.
Edhe zyrtarët e Qendrës Emergjente seminarin e organizuar nga UNDP e vlerësojnë si një takim të rëndësishëm në avancimin e punës së të gjithë akterëve që reagojnë në rastet emergjente.
Komandanti I stacionit policor në Malishëve, kapiteni Halil Morina thotë se policia si në nivel qendror ashtu edhe në nivel lokal ka plan veprimi në raste emergjencash. Në këtë takim u vlerësua se veprimi në rastet emergjente kërkon angazhim edhe më të madh të të gjithë faktorëve dhe reagim të shpejtë e të koordinuar më qëllim të menaxhimit të situatave që mund të paraqiten./TV Opinion/