Deputeti Fatmir Limaj dhe të akuzuarit tjerë për dy rastet e Ministrisë së Transportit, janë paraqitur sot në seancë dëgjimore me kërkesë të prokurorisë. Prokurorët e EULEX-it kërkuan që ndaj tyre të merren masa e ndalimit të takimit me dëshmitarë dhe që t’i ndalohet Limajt të shkoj në Ministrinë e Transportit dhe Inrasrtrukturës.
Kryetarja e Trupit Gjykues, Ana Adamska Gallant nuk ka marrë ende një vendim për aplikimin e këtyre masave por ajo ka bërë të ditur se me 26 mars do të mbahet seanca lidhur me akuzën e re të ngritur ndaj Fatmir Limajt.
Ndërkaq avokati mbrojtës i Fatmir Limajt, Tomë Gashi tha se prokuroria është vonuar me një kërkesë të till për shkak se Limaj dhe të tjerët janë duke u hetuar gati qe pesë vjet dhe kjo kërkes sipas tij, është jo ligjore.