Askush nuk merr përgjegjësinë për gradimin e jashtëligjshëm të vëllait të prorektorit, Qerim Qerimi, shkruan sot “Koha Ditore”.
Vetë Qenan Qerimi, cili në Fakultetin Juridik njihej edhe si shef i bufesë deri në kohën e ish-rektorit Enver Hasani, pati thënë se mbajtjen e ligjëratave atje ia kishte kërkuar profesoresha Nerxhivane Dauti.
Por Dauti mohon të ketë përgjegjësi në këtë histori. Ajo ka thënë se nuk ka nënshkruar kurrfarë recensioni për angazhimin e Qerimit dhe se nuk ka kompetenca për angazhimin e askujt.
Ndërkaq Qerimi gjithë këtë lëmsh me gradën dhe angazhimin e tij e konsideron edhe si gabim të administratës.
Këshilli Drejtues i UP-së ka paralajmëruar shqyrtimin urgjent të këtij rasti.