Linda Grapci-Kotori, prorektore në Universitetin e Pejës, dhe Isa Elezaj, prorektor në Universitetin e Gjakovës, kanë publikuar punime në volumin e tretë të revistës “International Journal of Scientific and Research Publications”, me seli në New-Delhi të Indisë,shkruan Koha Ditore.
Revista është false dhe në uebfaqen e saj nuk jepet asnjë adresë ose kontakt telefoni, përveç një emaili. Revista deklaron se ka impakt-faktor prej 0.69, por kjo nuk mund të verifikohet nga burime të tjera, përfshirë Thomson Reuters.
Njëri nga punimet e prorektorëve, i publikuar aty, përmban gabime të shumta teknike, përfshirë dy kapituj që s’kanë të bëjnë gjë me shkencën.