Grupi i Qytetarëve Aktivë për Prizrenin kanë realizuar të enjten një aksion simbolik para ndërtesës së Komunës.
Në rrethojat e “Shtëpisë së Bardhë”, aktivistët kanë vendosur gjashtë palë pranga me emrin e kryetarit Ramadan Muja dhe pesë bashkëpunëtorëve të tij të dënuar ditë më parë.
Ata në të njëjtën kohë kanë paralajmëruar se do të dorëzojnë një padi në prokurori për vendimin e Mujës për pezullim të mandatit.
Në anën tjetër, zëdhënësi i Komunës së Prizrenit, Ymer Berisha, ka thënë se “kryetari vazhdon ta respektojë vendimin për pezullim të mandatit”, ndërsa ka kërkuar nga grupi i aktivistëve që të mos interferojnë në punët e drejtësisë.
Ndërsa, sa i përket dorëheqjes, ai ka thënë se “është çështje individuale e Ramadan Mujës”./koha.net/