Punëtorë shëndetësor të Komunës së Suharekës, të cilët janë të angazhuar në kuadër të Projektit me Caritas Kosovën “Përkujdesja shëndetësore – shtretërit shtëpiak “Home Care”, kanë nënshkruar kontratat e punës.
31 punëtorë shëndetësorë, prej të cilëve 12 mjekë, 4 stomatologë, 1 biokimist dhe 14 infermierë, sipas këtyre kontratave do të jenë pjesë e projektit deri më 30 qershor të këtij viti me mundësi vazhdimi edhe në gjysmën e dytë të këtij viti.
Ky projekt po realizohet në bazë të një marrëveshjeje të nënshkruar në mes të kryetarit të Komunës së Suharekës, Sali Asllanaj dhe drejtorit të përgjithshëm të Caritas Kosovës, Don Viktor Sopit.
Sipas kësaj marrëveshje nga vlera e përgjithshme e projektit, që është 210 mijë euro, Komuna e Suharekës do të bashkëfinnacojë me 160 mijë euro, ndërsa pjesa tjetër e mbetur në vlerë prej 50 mijë euro, do ta ndihmojë Caritas Kosova./PrizrenPress.com/