Në Malishevë është përkujtuar masakra e Burimit. Përveç, kryetarit të Komunës, Ragip Begajt, homazhe kanë bërë edhe qindra qytetarë të Dragobil, Astrazupit dhe vendeve tjera.
Masakra e Burimit, është më e madhe në Komunën e Malishevës, gjatë luftës së fundit, që ka ndodhur 15 vite më parë, tek Vrella e Mëhillit në fshatin Burim. Nderime, janë bërë edhe në vendin e vrasjes.
Me këtë rast, kryetari Begaj, i ka ngushëlluar familjarët e 42 viktimave të kësaj masakre.
Më 31 mars 1999, në vendin e quajtur “Vrella e Mëhillit”, në periferi të fshatit Burim, ishin ekzekutuar 38 shqiptarë, ndërkohë që katër të tjerë ishin djegur.
Kjo ka qenë masakra më e madhe që ka ndodhur gjatë kohës së luftës së fundit për liri në komunën e Malishevës./PrizrenPress.com/