Nesër u skadon paraburgimi gjashtë të dyshuarve për terrorizëm në Kosovë. Prokurori i rastit ka kërkuar nga gjykata që kjo masë për këta persona të vazhdohet dhe për dy muaj të tjerë.
Këtë për Express e ka konfirmuar Nikë Shala, avokati i njërit nga gjashtë të dyshuarit që po qëndrojnë prej tre muajsh në paraburgim, Valon Shala.
“Nesër në Gjykatën e Apelit në ora 14:00 do të mbahet seancë për shqyrtimin e kërkesë s së Prokurorisë që klienti tim dhe të dyshuarve të tjerë në këtë rast tu caktohet një masë prej dy muajsh paraburgimi”, ka thënë për Express Shala.
Gjashtë personat janë arrestuar më datën 5 nëntor të vitit 2013 në Prishtinë e Gjilan nën dyshimin se po përgatisnin një sulm terrorist. Sipas vendimit mbi të cilin është caktuar paraburgimi ndaj gjashtë personave, nga fshati Bresalc janë tre nga gjashtë të arrestuarit, Valon Shala, Genc Selimi e Musli Hyseni, derisa i arrestuari tjetër Ardian Mehmeti jetonte në Gjilan, si dhe Nuredin Sylejmani e Bekim Mulolli në Prishtinë. Ardian Mehmeti është ende në arrati .