Kryetari i Komunës së Rahovecit, Idriz Vehapi,ka paralajmëruar se do të rrënojë restauranti “Aurora”. Ky restaurant është i ndërtuar në oborrin e shkollës “Xhelal Hajda – Toni”.
Vehapi, ka konfirmuar për “Rahoveci24” se është duke punuar intenzivisht për përmirësimin e ambientit në qytet, pjesë e së cilës është edhe “Aurora”.
“Restauranti “Aurora” do të rrënohet shumë shpejt, dhe në të njëjtin vend do të ndërtohet një fushë futbolli, që do të ketë edhe kosha të basketbollit, që do të shërbejnë për të rinjt që të kalojnë kohën duke u marrë me sport, dhe duke qëndruar larg fenomeneve negative”, ka thënë Vehapi.