Vendimi për zgjatjen e mandatit të EULEX-it dhe krijimin e Gjykatës Speciale për UÇK-në nuk janë vendim më i rëndësishëm që Kuvendi i Kosovës duhet ta marrë javën e ardhshme. Të enjten e javës tjetër, nëse nuk ndryshohet agjenda aktuale, Kuvendi i Kosovës duhet të votojë edhe për amendamentet kushtetuese që do të mundësojnë krijimin e Forcës së Armatosur të Kosovës.
Kryetari i Kuvendit, Jakup Krasniqi, ka pranuar vlerësimin e plotë të Gjykatës Kushtetuese lidhur me amendamentet për FAK-un, ndërsa të njëjtat pritet të diskutohen në kryesi ku kjo e fundit do të vendosë që të procedohen ose jo për votim në seancë. Liderët e partive politike do të takohen të hënën për të vendosur nëse do ta plotësojnë kushtin që kanë komunitet pakicë për ta votuar FAK-un.
Ata kërkojnë që në këmbim të votës për FAK t`u zgjaten ulëset e rezervuara edhe për një mandat, gjë që do të kërkonte amendamentimin e Kushtetutës gjithashtu. Në skenarin kur nuk do të plotësohej kushti i komuniteteve, atëherë votimi për FAK-un do të dështonte. Pranimin e lëndës nga Kushtetuesja e ka konfirmuar sekretari i Kuvendit, Ismet Krasniqi./Tribuna/