Megjithëse gjyqtari Enver Shabanaj ishte bërë përgjegjës nga Gjykata Kushtetuese e Kosovës për moszbatim të ligjit dhe mosdhënie të mbrojtjes për të ndjerën Diana Kastrati, e cila ishte vrarë nga ish-bashkëshorti i saj në Prishtinë, gjyqtari Shabanaj është dekretuar si gjyqtar nga presidentja e Kosovës, Atifete Jahjaga.
Kjo ndodhi pas përzgjedhjes dhe propozimit të Këshillit Gjyqësor të Kosovës në krye me Enver Pecin, shkruan Kosova Sot.
Ai ishte përgjegjës për mosmbrojtjen e jetës së Diana Kastratit e cila para se të vritej, kishte kërkuar mbrojtje dhe masë emergjente sigurie në gjykatë.
Sipas kryetarit të Gjykatës Themelore të Prishtinës, Hamdi Ibrahimi, Shabanaj është një gjyqtar shumë i dobët.