Deputetja e LDK-së, Hykmete Bajrami, thotë se partia e saj është për themelimin e Forcave të Armatosura, por jo edhe për vazhdimin e vendeve të rezervuara për pakicat.
Përmes një postimi në Facebook, ajo ka thënë se Kryeministri i ka nxjerrë Forcat e Armatosura në pazar që nëpërmjet tyre t’ua sigurojë vendet e rezervuara minoriteteve.
“Pse Thaçi nuk po bëhet i sinqertë (me na befasu të gjithëve) dhe me tregu që çështjen e Forcave të Armatosura e ke qitë në pazar me vendet e rezervuara?”, ka shkruar Bajrami, në profilin e saj në Facebook.
“Shndërrimi i FSK-së në FAK mund të bëhet edhe pa Thaçin Kryeministër. LDK-ja është pro Forcave të Armatosura të Kosovës, por kundër vendeve të rezervuara”, ka shtuar ajo.
Sipas saj, Thaçi para së gjithash duhet t’i pyes qytetarët e Kosovës se a e sakrifikojnë ata Kuvendin – legjislativin për Forcat e Armatosura?/