Kryetari i Komunës së Rahovecit, Idriz Vehapi ka formuar dy komisione për vlerësimin e dëmeve të shkaktuara nga reshjet e shiut.
Në mbledhjen e mbajtur të drejtorëve të drejtorive me datë 28 prill 2014, pas konsultave me drejtorët e drejtorive, kryetari Vehapi, ka nxjerr sot dy aktvendime me të cilët ka formuar dy komisionet.
Komisionin për vlerësimin e dëmeve në bujqësi, të shkaktuara nga reshjet atmosferike, dhe
Komisionin për vlerësimin e dëmeve në biznese dhe infrastrukturë.
Detyra e anëtareve të këtyre komisioneve është që të bëjë vlerësimin e dëmeve bujqësore, dhe po ashtu të bëjë vlerësimin e dëmeve të shkaktuara në biznese dhe infrastrukturë në komunën e Rahovecit,transmeton RahovecPress.
Komisionet do të dalin në vendet e prekura me përmbytje dhe të konstatojnë dëmet e shkaktuara dhe pas vlerësimit do të përpilojë Raportin me të cilin do të njoftojë kryetarin e Komunës. Komisionet do ta fillojnë punën më 29 prill 2014.