Nga viti 1982, 29 prilli festohet si Ditë Ndërkombëtare e Vallëzimit pasi që në këtë datë në vitin 1727 lindi veprimtari i baletit bashkëkohor Zhan-Zhorzh Nover. Me këtë rast, çdo vit gjithkund nëpër botë luhen shfaqje në të cilat loja dhe vallëzimi janë gjuhë universale me mision t””i afrojë dhe miqësojë njerëzit.
Vallëzimi është disiplinë, punë, mësim, komunikim. Me të kursejmë fjalë të cilat ndoshta disa njerëz nuk do t’i kuptonin, ndërsa si kthim krijojmë gjuhë universale, të kuptueshme për të gjithë. Vallëzimi na jep kënaqësi dhe mbështetje, na bën të jemi të lirë për pamundësinë të fluturojmë si zogjtë dhe të afrohemi nga qielli, bota, pafundësia.
Kjo është një pjesë e Mesazhit Ndërkombëtar me rastin e Ditës Botërore të Vallëzimit 29 prilli që në vitin 2010 e shkroi valltari argentinas Hulio Boka (1967), ndërsa e dërgoi Komiteti ndërkombëtar për vallëzim i Institutit internacional teatror të UNESKO-s.
E kjo ditë do të festohet edhe në Kosovë. Evolucion Dance, ka bërë një organizim për nder të kë saj dite, ku kanë ftuar valltarë dhe adhurues të vallëzimit që të dalin në sheshin Zahir Pajaziti, në orën 17:00.
Qytetarët që kalojnë nëpër këtë shesh dhe ata që dëshirojnë të marrin pjesë do të mund të ndjekin: “Muzikë dhe vallëzim caoperia (formë vallëzimi i përzier me arte marciale) me demonstrim dhe workshop, prezantim të koreografive të ndryshme grupore, flash mob me fëmijë, punëtori me qytetarët e Prishtinës, animacione vallëzimi dhe performanca të rastit nga qytetarët e Prishtinës, etj.