Ne i mbajmë duart në xhepa, sepse i ruajmë që mos të na vjedh kjo qeveri. Kështu i është kundërpërgjigjur kritikave të kryeministrit Thaçi, lideri i LDK-së, Isa Mustafa në një konferencë për media.
Ndërsa ka pohuar se të gjitha kritikat në adresë të LDK-së po bëhen pasi që kjo parti paraqet fituesin potencial.
Mustafa, po ashtu ka thënë se në takimin me liderë janë pajtuar që zgjedhjet të mbahen në qershor. Ndërsa tha se liderët prapë do të takohen të hënën.
Ai ka folur edhe për arrestimet e fundit në të cilat është i përfshirë deputeti i LDK-së, Naset Osmani, ku tha se drejtësia duhet ta bëjë punën e vet, por nuk guxon të bëjëselektime.
“Drejtësias selektive, nuk i ndihmon drejtësisë në vend dhe se drejtësia nuk duhet të zhvillohet në formë të fushatës”, tha ai.
