Po që se Lëvizja Vetëvendosje do të fitonte shumicën në Kuvendin e Kosovës, çështjet si dialogu, gjykata speciale, dhe të tjera do të ndryshonin në mënyrë dramatike.
Kështu ka vlerësuar ambasadori britanik në Kosovë, Ian Cliff, në një intervistë dhënë “Kohës Ditore” e cila do të botohet të hënën në gazetë. Ai ka elaboruar edhe çka mund të pritet në lidhje me këto çështje nëse në qeverinë e ardhshme do të ishte një prej kombinimeve mes PDK-së, LDK-së e AAK-së.
Cliff, në intervistë, ka folur edhe për çështjen e Gjykatës Speciale, e cila do të duhet të adresohet sërish në Kuvendin e Kosovës pasi të jenë mbajtur zgjedhjet, ndërsa ka shpjeguar edhe si u bë që përkundër presioneve tri-vjeçare ndërkombëtare për reformë zgjedhore liderët e Kosovës nuk e bënë asnjë hap në atë drejtim.