18.8 C
Prizren
E martë, 28 Maj, 2024

Mustafa i kundërpërgjigjet Thaçit: Ata që kultivuan shtet policor nuk i nevojiten as Brukselit dhe as Washingtonit

Isa Mustafa LDKKreu i LDK’së Isa Mustafa i është kundërpërgjigjur kryeministrit Hashim Thaçi, në lidhje me deklaratat e këtij të fundit se Brukseli dhe Washingtoni presin fitoren e PDK’së.
Ja reagimi i plotë i Mustafës, ku ai veç tjerash thotë se “ata që në këtë vend kultivuan shtet policor, nuk i nevojiten as Brukselit as Washingtonit”.

E përkujtoj z. Thaçi,

Bruksesli dhe Washingtoni presin fitoren e demokracisë në Kosovë. Ata nuk përcaktojnë se kush duhet të jetë fituese, por këtë e përcakton vullneti i qytetarëve të Kosovës.

Brukseli dhe Washingtoni kanë kërkuar të funksionojë shteti ligjor në Kosovë, të luftohet korrupsioni dhe të sigurohet liria e plotë qytetare.

Qeverisja e PDK-së e ka rrënuar shtetin ligjor e ka kultivuar korrupsionin dhe e ka ngulfat fjalën e lirë. Është vjedhur dhoma e dëshmive në objektet e Ministrisë së Punëve të Brendshme, është korruptuar procesi i shtypjes së pasaportave; ekzekutivi vendosë se kush duhet të burgoset e kush të prangoset, e jo shtylla e drejtësisë.

Brukseli dhe Washingtoni kanë kërkuar që të themelohet Gjykata speciale për të trajtuar raste të rënda të krimit në Kosovë.

Në këto zgjedhje do të fitojë demokracia dhe fryma e shtetit ligjor. Ata që e degraduan këtë vend dhe kultivuan shtet policor nuk i nevojiten as Brukselit dhe as Washingtonit.

Ndryshe Mustafa, pak më parë bëri të ditur edhe se Nesër, LDK e voton FAK’un dhe shpërndarjen e Parlamentit.

Më Shumë

Masakra e ‘Tusuzit’, Selmanaj thotë se nuk do të ndalet thirrja për drejtësi

Deputeti i Lidhjes Demokratike të Kosovës, Driton Selmanaj ka thënë se “Lagjja e Trimave”, e meriton këtë emër, për faktin se dha shumë për...

Peci: Bujqit e Rahovecit deri më tani janë përkrahur me 21 milionë euro

Ministri i Bujqësisë, Pylltarisë dhe Zhvillimit Rural, Faton Peci, po qëndron në Rahovec në shënim të Ditës së Verës ku së bashku me përfaqësues...

Lajmet e Fundit