Mbajtja eventuale e zgjedhjeve në vjeshtë, gjë që nuk e dëshiron as kreu i PDK-së Hashim Thaçi, do ta dëmtojë më së shumti kreun e LDK-së, Isa Mustafa, i cili po ngutet që të mbajë zgjedhje parlamentare në qershor, për të shmangur humbjen e pozitës së të parit në parti pas zgjedhjeve të brendshme në LDK
Përmbyllja e suksesshme e agjendës që Kuvendi i Kosovës e ka sot në rend pune, miratimi i amendamenteve në Kushtetutën e Republikës së Kosovës, të propozuara nga Qeveria e Republikës së Kosovës, që ndërlidhen me transformimin e FSK-së në Forcë të Armatosur të Kosovës, kërkesës së minoriteteve për një mandat plus të vendeve të rezervuara në Kuvendin e Kosovës dhe i Projektligjit për ndryshimin dhe plotësimin e ligjeve që kanë të bëjnë me FAK-un, do të krijonin parakushtet reale që të arrihet edhe pajtimi i shpërbërjes së Kuvendit, për të shkuar në zgjedhjet e parakohshme deri më datën 8 qershor.
Një zyrtar i lartë brenda PDK-së deklaroi për gazetën “Kosova Sot” se sot nuk pritet fare marrëveshje rreth datës së zgjedhjeve nga liderët politikë, të cilët do të takohen në rezistencën amerikane në Prishtinë, ku nikoqire e takimit do të jetë ambasadorja amerikane, Jacobson.
Mbajtja eventuale e zgjedhjeve në vjeshtë, sipas analistëve të cilën gjë nuk e dëshiron as kreu i PDK-së Hashim Thaçi, i cili disa muaj rresht po zhvillon fushatë intensive, do ta dëmtojë më së shumti kreun e LDK-së, Isa Mustafa, i cili po ngutet që të mbajë zgjedhje parlamentare në qershor, për të shmangur humbjen e pozitës së të parit në parti pas zgjedhjeve të brendshme në LDK.
/Kosova sot/