Këngëtarja e njohur shqiptare Nexhmije Pagarusha ka festuar dy ditë më parë ditëlindjen e saj. Bilbili i këngës shqipe ka mbushur 81 vjeç. Një jetë e mbushur me një karrierë të gjatë dhe të begatë artistike.
Këngëtarja ka lindur në fshatin Pagarushë të Malishevës. Ajo ka nisur karierën e saj muzikore në Radio Prishtina në vitin 1948. Puna e saj muzikore krijuese zgjati për gati 40 vjet dhe është shumë e vështirë për të thënë, se cilave zhanre të muzikës i takon, pasi ajo këndoi pothuajse për të gjithë.
Interpretimet e saj në muzikën popullore ishin të përsosura sikurse interpretimet e saj në muzikë klasike, sidomos në opera. Pagarusha është vlerësuar nga kritikët e muzikës dhe admiruesit e muzikës. Ajo është quajtur Bilbili i Kosovës, Mbretëresha e muzikës Shqiptare, Madam Butterfly, etj.