Shkruan: Burim Ramadani
Ne do të themelojmë Policinë Komunale në shtatë qendrat e Kosovës. Në pjesën e parë të mandatit do të themelohet Policia Komunale e Prishtinës, ndërsa pas saj edhe Policia Komunale në Prizren, Pejë, Gjakovë, Gjilan, Ferizaj dhe Mitrovicë.
Mandati: Policia Komunale do të jetë organ ekzekutiv që ka për detyrë të kryejë funksione në shërbim të rendit e të qetësisë dhe mbarëvajtjes së punëve publike brenda territorit dhe juridiksionit të komunës, që nuk janë në kompetencë të autoriteteve të tjera shtetërore.
Duke u bazuar në përgjegjësinë dhe mandatin e Policisë së Kosovës dhe njëkohësisht ngarkesës së madhe me detyra në baza ditore, që nuk përkojnë me mandatin e saj, Policia e Kosovës përballet me mungesë të personelit dhe shfrytëzim joracional të burimeve të saja. Për shkak të mbingarkesës dhe detyrave të natyrës së ofrimit të asistencave të ndryshme, Policia e Kosovës nuk është në gjendje t’iu përgjigjet me kohë kërkesave dhe thirrjeve të qytetarëve. Prandaj, kemi përgatitur konceptin për Policinë Komunale dhe do ta realizojë atë në qeverisjen e ardhshme.
Menjëherë, në vitin e parë, do të njxerrim Ligjin për Policinë Komunale dhe do të bëhen përgatitjet e nevojshmë për të krijuar këtë mekanizëm të ri institucional në shtatë qendrat kryesore të Kosovës.
Policia komunale detyrë primare do të ketë ruajtjen dhe mbrojtjen e rendit publik dhe zbatimit të aktiviteteve nën juridiksionin e komunave, por nuk do të kufizohet në:
1) Zbatimin efektiv të akteve të nxjerra nga Kryetari i Komunës dhe Kuvendit Komunal, e që kanë të bëjnë me sigurimin e rendit e të qetësisë dhe mbarëvajtjen e punëve publike.
2) Të marrë masa për ruajtjen e pasurisë të komunës si dhe të atyre që administrohen nga ana e saj.
3) Të sigurojë zbatimin e urdhërave të nxjerra nga Kryetari Komunës në lidhje me personat juridik e fizikë , që nuk plotësojnë konform ligjit detyrimet financiare e fiskale ndaj Komunës, si dhe çdo detyrim tjetër pasuror ndaj tyre.
4) Reagimin në rastet e shkeljeve ligjore për zënien e hapësirave publike apo tregti e paligjshme (ambulantë), vendosjen e reklamave, tendave, dëmtimin e sipërfaqeve të gjelbra, trotuareve, ndriçimit publik, ndotjen e mjedisit etj, si dhe ndëshkimin e kundërvajtësve me gjobë.
5) Në parandalimin, pezullimin dhe prishjen e ndërtimeve pa leje.
6) Ka detyrë të mbështesë Inspektoratin në zbatimin e vendimeve për prishjen e ndërtimeve pa leje, objekte që kanë penguar punimet në infrastrukturën rrugore.
7) Për lirimin e objekteve që janë pronë e komunës, kopshte, biblioteka, ish- ndërmarrje etj. të zëna nga persona të ndryshëm në mënyrë abuzive.
8) Konstatimin dhe ndëshkimin e shkeljeve në drejtim të parkimit të automjeteve që nuk respektojnë kërkesat e ligjit, për rregullimin e trafikut.
9) Ndalimin e shitjes në rruge dhe lëmoshë-kërkuesve.
10) Paraqet kërkesat për nisjen e procedurës për shkelje (kundërvajtje), kallëzime për shkeljet ekonomike dhe padi penale, kryen realizimin e përmbarimeve.
11) Të mbikëqyrë respektimin e orarit të punës te objekteve hoteliere dhe objekteve të tjera që mund të prishin qetësine e qytetarëve.
12) Kontrolli nëse qytetarët bëjnë pastrimin e dëborës dhe akullit para shtëpive të tyre, ndërtesave dhe hapësirë komerciale.
Policia Komunale do të ruajë pronat publike nga shkatërrimin, dëmtimin (mbishkrime, grafite):
Ndërtesat publike (në pronësi të qytetit, organet shtetërore dhe ndërmarrjet publike, muzetë, shkollat etj,); Trashëgimia kulturore (monumentet, burime, skulptura etj.).
Mbrojtja e ambientit dhe parandalimi i shkarkimit të ujërave të zeza në vende publike: Ndëshkimi për ata që hedhin rrënoja dhe mbeturinave të tjera në një vend tjetër; Ndotësit e ujit, ajrit dhe tokës, ose ata të cilët bëjnë një zhurmë; Mbrojtjen e rezervateve e natyrës dhe zonat e mbrojtura.
Zbulimi i shërbimeve të taksive të paligjshme: Kontrolli nëse mjetete transportit publik respektojnë marrjen ose daljen e udhëtarëve nga pozicionet që janë të caktuara; Parandalimi i parkimit në vende ku ai ndërhyn me përdorimin e rrugës dhe të trafikut; Mbrojtja e shenjave të trafikut dhe dritat e trafikut.
Reagimi në raste të emergjencave: Në rast të emergjencave, të tilla si tërmetet, stuhitë, përmbytjet, policia komunale kanë një detyrim për t’u përgjigjur me shpejtësi derisa reagojnë pjesëtarët e institucioneve të tjera përgjegjëse për të vepruar në rrethana të tilla (AME, Policia, Ndihma e Shpejtë), dhe pastaj të sigurojë çdo ndihme të nevojshme.
Organizimi dhe funksionimi: Për organizimin dhe funksionimin e policisë komunale parashihet hartimi dhe miratimi i Ligjit për Policinë Komunale. Numri maksimal i zyrtarëve të Policisë Komunale do të përcaktohet me akte nënligjore, bazuar në standardet e pranuara demokratike. Policia Komunale do të udhëhiqet nga Drejtori i Policisë Komunale, i cili do t’i përgjigjet Kryetarit të Komunes. Policia Komunale do të nga Qeveria në fazën e parë, pastaj nga nga Komuna. Trajnimi i tyre do të bëhet konform standardeve minimale të përcaktuara nga Bordi për Standarde Minimale i Akademise për Siguri Publike në kuadër të MPB-së. Policia Komunale ka uniformën e saj të ndryshme nga ajo e Policisë së Kosovës. Zyrtarët e saj kanë shenjën dalluese dhe numrin personal. Zyratërt e Policisë Komunale pajisen me armë. Pajisja me armë, mënyra e ruajtjes dhe e mbajtjes së saj rregullohet me akte të Ministrit të Punëve të Brendshme.
Ky koncepti i Aleancës për Policinë Komunale. Shpejtë do të bëhet Ligj dhe do të funksionalizohet.
(Autori është Sekretar i Përgjithshëm i Aleancës për Ardhmërinë e Kosovës dhe udhëheqës i Departamentit për Sundimin e Ligjit në AAK)