Terminali i pikës doganore të Vërmicës në kufirin Shqipëri-Kosovë ndryshon drejtim pas rreth 9 vjetësh. Ky terminal që nga e shtuna është shndërruar si rrugë dalëse nga Kosova për në Shqipëri.
Ndërkohë që hyrjet nga Shqipëria në Kosovë do të bëhen me katër korsi nga dy korsi sa kanë qenë më parë. I përuruar me 15 korrik të vitit 2005 me një investim prej 190 mijë eurosh, terminali i Vërmicës që nga dita e shtunë është transformuar në një rrugë me dy kalime që do të shërbejë për daljen e automjeteve nga Kosova për në Shqipëri.
Për pasojë është lehtësuar hyrja e udhëtarëve për në Kosovë, por kjo masë e marrë nga pala e Kosovës nuk eliminon radhët e gjata që vihen re kryesisht gjatë hyrjes për në Shqipëri./Koha Ditore/