Pritet të marrin pjesë mbi 90 botues nga Kosova dhe vendet rajonale. Panairi i 16 i librit i cili organizohet nga Shoqata e Botuesve të Kosovës, këtë vit do të zgjasë për tre ditë radhas, ndërsa në kuadër të këtij edicioni do të prezantohen rreth 1200 tituj të ri librash dhe rreth 4000 mijë tituj të tjerë nga librat e botuar viteve të fundit.
Në kuadër të kësaj ngjarje të rëndësishme kulturore për vendin do të ketë një varg aktivitetesh të rëndësishme, ndërsa sipas organizatorëve këto ngjarje përkojnë me përvjetorë të rëndësishëm të personaliteteve letrare shqiptare dhe atyre botërore siç janë: 450-vjetori i lindjes së Shekspirit, 200-vjetori i lindjes së Jeronim de Radës,170-vjetori i lindjes së Zef Serembes,140-vjetori i lindjes së Shtjefën Gjeçovit e autorëve të tjerë të mëdhenj.
Të gjitha këto personalitete do të kujtohen në kuadër të përurimeve, debateve dhe aktiviteteve të tjera në kuadër të panairit