Policia e Kosovës, ka kryer disa batisje dje në Rahovec, që dyshohej se kanë lidhje me vrasjen e kandidatët për deputet të PDK-së, Elvis Pista.
Gjatë raportimit të mediave për këtë bastisje, është përmendur edhe Mentor Veliu, i cili është shoqëruar për disa orë në Polici. Dje po ashtu është thënë se Veliu dyshohet në vrasjen e Pistes.
Mirëpo, ndaj këtyre lajmeve ka reaguar sot Veliu.
Ai ka thënë për Express së të gjitha këto janë spekulime dhe nuk ka asgjë të vërtet. Veliu ka treguar se e ka njohur mirë Pisten. Bile thotë se e ka pasur edhe mik të mirë.
“Nuk ka të vërtetat këtu asgjë. Unë më të ndjerin kemi qenë miq të mirë. Jemi njohur shumë mes vete. Kemi qenë shokë dhe bashkëpunëtorë. Nuk ka te veletet rreth atyre që janë thënë dje”, ka treguar Veliu.
Ai ka thënë se gjatë ditës se djeshme është shoqëruar në Polici. Mirëpo, thotë se nuk është pyetur si i dyshuar për vrasje. Veliu ka thënë se nuk ka më asnjë ftesë nga Polica për tu paraqitur ne stacion.
“ Nuk jam marrë në pyetje si i dyshuar për vrasje. Polica më ka pyetur si mik i Elvist dhe për çështjet që kanë rrjedh deri tash. Mirëpo, assesi nuk ka pasur pyetje për dyshimet në lidhje me vrasjen”. Ka thënë Veliu.
Ai thotë se është i gatshëm të bashkëpunoj më drejtësinë dhe Policinë e Kosovës, për ta zbardhur sa më shpejt vrasjen e Elvis Pistës.
Elvis Pista u vra më 15 qershor rreth orës 00:45 min në oborrin e restorantit “Haja Petrol” në rrugën transite. Mbrëmjen tragjike, Elvis Pista po festonte ditëlindjen e gruas së tij. Deri me tash nuk ka pasur të arrestuar për vrasjen e Pistës.