Tre mijë studentë të rinj do të regjistrohen këtë vit në Universitetin “Ukshin Hoti” në Prizren.
Sekretari i UPZ-së, Adem Sallauka tha se vendimi për pranimin e 3 mijë studentëve të rinj është marrë nga Senati i Universtitetit.
“Vetëm në afatin e parë të regjistrimit,do të pranohen 2250 student të rinj”, tha Sallauka për TVPZ.
Ai tha se UPZ është në pritje të akreditimit edhe të 7 programeve të rëndësishme për funksionimin e këtij institucioni.Ai, shrehet i binduar se Agjencioni i Akreditimit do të akreditojë programet e reja në Universitetin e Prizrenit për hapjen e Fakultetit Filologjik me programin e gjuhës shqipe,atë të gjuhës angleze si dhe hapjen e fakultetit të shkencave matematiko-natyrore si dhe 3 programe të reja për master.
“Ky institucion ka kapacitete të mjaftueshme për të funksionuar normalishtë edhe me hapësirat e reja, që do të jenë të gatshme për të plotësuar kërkesat e numrit të studentëve që nga viti i ri akademik pritet të ketë mbi 10 mijë studentë”.
Afati i parë i konkursit për regjistrim në institucionin më të lartë arsimor në Prizren,pritet të mbahet pasi të bëhet shpallja e rezultateve të Testit të Maturës /PrizrenPress.com/