Dy të rinj që po lundronin me varka me pedale në plazhin e Vlorës i ka marrë rryma e detit dhe kanë përfunduar në ishullin e Sazanit.
Të rinjtë e moshës 14 dhe 15 vjeç, me inicialet M.P dhe A.R, kanë qenë duke lundruar në det të hapur që prej pasdites dhe rryma e detit i ka shtyrë drejt ishullit të Sazanit.
Ata kanë dhënë sinjalin SOS dhe në ndihmë u ka shkuar Delta Force. Efektivët e Delta Force kanë bërë të mundur rikthimin e tyre në Vlorë dhe marrjen e masave për sigurinë shëndetësore të të rinjve.