Rreth 850 rrënjë bimë narkotike kanabis sativa është asgjësuar nga policia e Vlorës mëngjesin e sotëm. Bimët e kultivuara të cilat u asgjësuan nëpërmjet djegies, kishin arritur një lartësi prej 1 metër.
Nga burimet e policisë lokale bëhet e ditur se “Kanabisi u asgjësua në afërsi të fshatrave Treblovë dhe Penkovë, 25 km në lindje të Vlorës, gjatë një aksioni të strukturave përkatëse, në kuadër të planit të masave kundër kultivimit të bimëve narkotike”, transmeton shekulli.
Ndërkohë, policia bëri dokumentimin e plotë ligjor në lidhje me këtë raste dhe filloi procedimin penal për identifikimin e autorëve.