Bilall Sherifi nga NISMA ka thënë se deklaratat e Rrustem Mustafës, për koalicion me LDK- në dhe NISMEN janë vetëm dëshira. Ai ka thënë se Mustafa gjatë tërë jetës se tij ka pasur këso dëshira, por nuk i janë realizuar kurrë. Sherifi thotë se NISMA ka marrë vendim dhe nuk do të pranojë ofertë nga PDK e as nuk do të takohet me zyrtarë të kësaj partie
Ai thotë se edhe kjo deklarata e sotme është vetëm dëshirë që nuk do të realizohet asnjëherë. Sipas Sherifit, NISMA nuk e ka ndërmend të bëjë koalicion me PDK-së, pasi tani me kanë një koalicion me LDK-në dhe AAK-në.
“ Ne tani jemi në koalicion me dy subjekte politike. Nuk e kemi ndërmend të ndryshojmë diçka. Këto çka i ka thënë Mustafa janë vetëm dëshira të tij. Nuk mund të na merr e as të bashkohet më NISMEN lehtë, siç ka thënë ai. Ne jemi zotuar që nuk do të bëjmë koalicion me PDK-në dhe ky qëndrim dhe zotim do të mbetet i tillë”, ka thënë Sherifi.
Ai ka thënë se votat e qytetarëve i kanë marrë pa PDK-në dhe pa të do të vazhdojnë rrugën. Sherifi ka treguar se kanë pasur edhe tentime tjera nga PDK për t’iu afruar NISMA’s, por ai thotë se ky subjekt ka marrë vendim që as të mos diskutoj me askënd për ndonjë ofertë.
“ Ka pas edhe me herët këso tentime, por ne kemi marr vendim që mos të takohemi as mos të pranojmë oferta të tjera. Jemi mirë me ata që kemi marrëveshje dhe koalicion”