Pjesëtari i Policisë së Kosovës, Fadil Krasniqi është dënuar me 1 vit burgim nga Gjykata Themelore në Prizren. Ai është shpallur fajtor për ushtrimin e ndikimit zyrtar.
“ I dënuari në cilësinë e personit zyrtar me detyrë rreshter në Stacionin Policor në Malishevë, duke shfrytëzuar ndikimin e vet, shkon në pikën kufitare të Vërmicës, i cili e pret të dëmtuarin A.Gashi, me të cilin kishte biseduar me telefon disa herë dhe të njëjtit i mundëson lehtësimin e kalimit të kufirit përmes Patrullës së Stacionit Policor të Malishevës”, njofton zëdhënësja e Gjykatës Themelore në Prizren, Afërdita Kicaj.
“Ky ushtrim ndikimi ka të bëjë rreth një fletëarresti që ishte lëshuar ndaj të dëmtuarit nga Gjykata Themelore në Prizren gjatë vitit 2006”./PrizrenPress.com/