Dymbëdhjetëvjeçari Riad Krasniqi nga Krusha e Madhe është mbytur në lumin Drini. Familjarët tregojnë se Riadi është mbytur në kohën sa ishte duke u larë me shokë.
Riadi në mesditën e djeshme bashkë me vëllain më të vogël dhe disa shokë tjerë kishte shkuar në lumin Drin për t’u larë, ndërmjet fshatrave Krushë e Vogël dhe Bregdri të Zonës së Hasit.
Familjarët kanë rrëfyer për TV Prizrenin, se Riadi pasi ishte futur në ujë nuk kishte arritur më të dal,për shkak të thellësisë .
Vëllai i vogël bashkë me shokët kishin thirrur disa banorë të Krushës për të shpëtuar Riadin,të cilët kishin arritur të nxjerrin të vdekur.
Trupi i viktimës është dërguar për autopsi në Prishtinë.Në orët e pasdites trupi i të ndjerit i është dorëzuar familjarëve për varrim.
Vendi ku ka humbur jetën ky fëmijë ,në rrjedhën e Drinit, ka disa thellësira të theksuara të cilat janë shkaktuar nga dëmtimi i shtratit të lumit./PrizrenPress.com/