Gjykata Themelore në Prizreni ia ka caktuar një muaj paraburgim të dyshuarit për tentim vrasje Arsim Punikut.
Zëdhënësja e Gjykatës, Afërdita Kicaj tha se Puniku dyshohet se ka kryer veprën penale e vrasjes në tentativë dhe mbajtjen në pronësi, kontroll ose posedim të paautorizuar të armëve.
“Arsim Poniku, do të mbahet në paraburgim në kohëzgjatje prej 1(një) muaji, i cili do të llogaritet prej momentit të arrestimit, data 06.08.2014 në ora 19,00, e që do të zgjasë deri me datën 06.09.2014, gjatë së cilës kohë pritet që i pandehuri të dalë në gjykim para Departamentit për Krime të Rënda”, njoftoi Kicaj.
“I pandehuri u arrestua me datën 06.08.2014 në ora 19:00, dyshohet për shkelje të Kodit Penal i cili me dashje vë në rrezik jetën e njerëzve, në atë mënyrë që pas një mosmarrëveshje dhe konflikti fizik që kishin mes tyre, me armën e zjarrit –pushkën e tij, me qëllim të privimit nga jeta të dëmtuarin H.B. i njëjti ka gjuajtur në drejtim të tij i cili nuk arrin të qëlloj dhe largohet menjëherë nga vendi i ngjarjes. Në shkelje të Nenit 178 lidhur me nenin 28 të KP-së dhe nenit 374 par.1 të KP-së, Gjykata Themelore e Prizrenit i cakton paraburgim prej 1 muaji.”/PrizrenPress.com/