17.8 C
Prizren
E mërkurë, 14 Maj, 2025

QKK prezanton komitetin selektues kosovar për çmimin OSCAR

QKK-komitetiQendra Kinematografike e Kosovës (QKK) ka shpallur komitetin përzgjedhës, i cili kryesohet nga aktorja kosovare me famë botërore Arta Dobroshi, e njohur për filmin “Heshtja e Lornës”.

Anëtarë të këtij komiteti janë dhe regjisorja Blerta Zeqiri fituese e Sundance Film Festival, dramaturgu i njohur kosovar Jeton Neziraj, kuratori dhe artisti Albert Heta, dramaturgia dhe gazetarja e njohur Jeta Xharra, aktori Alban Ukaj si dhe kameramani Sylejman Kllokoqi, thuhet në njoftim për media.

Komiteti do të bëj përzgjedhjen e filmit më të mirë që do të jetë kandidati kosovar për çmimin Oscar për kategorinë e filmit më të mirë të huaj.

“Ky është moment historik për popullin e Kosovës. Kjo është hera e parë në historinë tonë që kemi mundësi të nominojmë një film për Oscar. Ndihem shumë e nderuar që jam presidente e komitetit selektues nga Kosova. Shumë urime Kosovë’, është shprehur kryesuesja Arta Dobroshi.

Ndërsa drejtori i QKK-së, Arben Zharku tha: “Jam shumë i lumtur që kemi arritur të kemi një përbërje të tillë të komitetit selektues. Njerëz të cilët në fushat e tyre kanë treguar suksese të jashtëzakonshme”.

Propozimin kosovar që do ta bëj komiteti përzgjedhës pas datës 20 shtator, do të promovohet në SHBA përmes European Film Promotion në të cilën Qendra Kinematografike e Kosovës është anëtare.

Më Shumë

“Janë shndërruar në figura irrituese”, Kryeziu i KDI-së me kritika të ashpra ndaj deputetëve të zgjedhur

Drejtori i KDI-së, Ismet Kryeziu ka reaguar pas zhvillimeve në Kuvend ku as për të 13-ën herë me radhë nuk u arrit të konstituohet. Për...

582 gjoba dhe 22 urdhëresa – siguria në fokus të institucioneve në Suharekë

Në kuadër të Takimit të Koordinimit Lokal për Siguri, të mbajtur në Suharekë, përfaqësues të institucioneve komunale dhe forcave të rendit diskutuan masat për...

Lajmet e Fundit