Banorët e rrugës “Liman Shala” në lagjen “Bajram Curri” në Prizrenit, janë të zhgënyer me mashtrimin që kryetari i Komunës, Ramadan Muja ua kishte bërë gjatë fushatës zgjedhore në nëntor të vitit të kaluar.
Ata thonë se Muja kishte premtuar rregullimin e kanalizimit, mirëpo një premtim i tillë nuk është realizuar.
“Gjatë fushatës zgjedhore vitin e kaluar Ramadan Muja na ka uruar rregullimin e kanalizimit, mirëpo një premtim i tillë nuk është realizuar”, thotë Haxhi Rexhep Shala, banorë i kësaj lagjeje, transmeton TV Prizreni.
Ai tregon se që disa vite me radhë banorët e kësaj rruge kanë kërkuar nga Komuna e Prizrenit, që të intervenojnë në rregullimin e kanalizimit dhe të rrugëve me kubëza për rreth 1000 shtëpi të kësaj lagjeje.
Shala thotë se banorët e kësaj lagjeje i kanë kryer të gjitha detyrimet ndaj Komunës së Prizrenit.
Koordinatori i kësaj Drejtorisë së Shërbimeve Publike, Fejsal Hoti tha se janë të njoftuar për shqetësimin e banorëve të kësaj lagjeje.
“Në lagjen “Bajram Curri” janë realizuar një mori projektesh,dhe se një gjë e tillë do të bëhet edhe në rrugën “Liman Shala””, tha Hoti. Ai nuk ka saktësuar se kur do të ndodh një gjë e tillë./PrizrenPress.com/