Ndryshe nga vendet e tjera në Serbi, në Luginën e Preshevës dita e parë e shkollës ka nisur me protesta për shkak të mungesës së librave në gjuhën shqipe.
Me sloganin “Mos ma prek gjuhën”, shumë nxënës shqiptarë kanë zgjedhur të kërkojnë të drejtat e ty re dhe jo të gëzojnë si bashkëmoshatarët e ty re.
Megjithatë, në Bujanoc, shkollen fillore “Naim Frashëri” e ka vizituar ministri serb i Arsimit, Srdjan Vrbiç i cili ka premtuar se do të kujdeset për një shkollim më cilësorë për të gjithë nxënësit.
“Qëllimi ynë është që çdo fëmijë që është i rrezikuar ose pamundësi për të blerë libra, të ketë libra. Në nivel shteti duam që këto libra të jenë sa më të mira për nxënësit”, tha Vrbiç, shkruan gazeta Start.
Ministria e Arsimit e Serbisë dhuroi për nxënësit e klasës sa parë çanta, libra e fletore.
Ndërsa në Preshevë, nxënësit e shkollave fillore dhe aty re të gjimnazeve kanë protestuar para shkollave.
Problem i mungesës së librave në shqip është kthyer në një çështje politike, zgjidhja e së cilës varet nga qëndrimet e krerëve shqiptarë të kësaj komune.
Policia serbe vitin e kaluar konfiskoi librat shqip që ishin dërguar nga Kosova. Shqipëria është angazhuar për zgjidhjen e këtij problemi, por shqiptarët e kësaj zone ende ankohen. Nxënësit në shkollë shkojnë pa abetare.